Home » Suugaan, Wararka » Mid ka mid ah hal-abuurada Soomaaliyeed oo suugaan uga hadlay colaadda Gaalkacyo.

Mid ka mid ah hal-abuurada Soomaaliyeed oo suugaan uga hadlay colaadda Gaalkacyo.

reer mudug dabkii galay ayaa gaaray dunidiiye

holacii runtii daaray baan cidi dawaynayne

maan garan wixii laysu dilay oo dagaal badaye

dad waxay ahaayeen xigaaloo misana dhalasho doorroone

isir qura kasoo deexmayoo ul iyo diirkeeda

raas wada degoo waxay ahayd kal diqoonayne

dannigayga marna kama sugayn inay dagaalaane

hayeeshee col baa laysku dumay noo cabbaabada’e

dariiqaa raggeenii la dhigay looba meel dayine

sida cadow dagaallamahayaa daabka lays suraye

duqoowdiyo waxgaradkii ayaa digasho loo laayay

maatadii qaxdoo way durkeen saan dab loo galine

daarihii dhisnaa baa dumoo waa daleel marane

dayac baa runtii muuqda iyo waxaynan doonayne

dadkaygoow is daayoo ilaah yuu dirkeen rogine

dun quraad dhammaantiin tihiin odaygi daaroode

daris iyo xigtaad wada tihiin dayr ku wada noole

kan wax dilay midkaa dhimanayiyo maydka wada daadsan

waxa dabarka loo jarahayaa waa dirkaan nahaye

dabka dhiga ilaahay hortiis yaan dugaag noqone

dadku ways khilaafaa markii dani timaadaaye

hadal baase door roon wuxuu duub caddaa yiriye

duqoowdeena aan garab galnoo diiradlaha tuurno

ducadana inaan badinno baan keed dalbanayaaye

rabiyoow colaadaha ka dami gaalkacyana dooji

booga dhaya alloow noogu deeq daa’im baad tahaye

aamiin aamiin

2 Responses

  1. burhaan says:

    masha’allaaaaaaah aad ayuu umhadsanyahy abwaanka da’da yar waa dadka loo baahanyahay ee maskaxdoodo ay ka bad baadayey cudurka qabeelka iyo qabyaalada sxb guleed waxaa lagaarabaa in aad halkaas kasiiwado

  2. Janale says:

    masha allah waa gabay wanagsan

Leave a Reply

© 2008-2014 somalireal.com · RSS · Designed by Zakaria
oyun oyna porno