Dhiig Baxa Dhalinyadeena & Dhayalsiga Madaxdeena. W/Q: Abukar Awale (Qaad DiiD)

Hadii aad taariiqda dib u eegto dhalinyarada soomaaliyeeed waxay marwalba ka qayb qaadan jireen oo hogaamin jiraan halganadii iyo hiigsashadii horumarineed ee wadanku soomaray ,waxaana tusaale lama ilaawaan ah halgankii gobanimadoonka  (SYL ) iyo ardaydii gurmadka oo marka ay dugsiyada sare dhamaystaan loo dirijirey gurmad barista afka Soomaaliga inay gaarsiiyaan gobolada,tuulooyinka iyo ilaa baadiyaha arimahaas iyo qarkale oo badan oo aanan halkan kusoo koobi Karin ayay ahaayeen doorka ku faanista mudan ee dhalinyarada Soomaaliyeed kaqaadan jireen  Hiigsiga Himilada Soomaaliyeed.

Hadaba maxaa is bedelay maxaa ku dhacay hankii iyo hamigii dhalinyarada Soomaaliyeed, shaki kuma jiro tan iyo 1990kii dagaalkii sokeeye ee Soomaaliya in uu dhalinyarada Soomaaliyeed Soo foodsaartay bur-bur ,dhimasho ,Qax,iyo bur-bur Maskaxeed, waxaan meesha kamaqnayn qaadka oo noqday wehelkooda koowaad oo ay laasimeen iyagoo dowladaha dariska nala ahi ay marwalba hubinayeen inuusan qaadku istaagin.

Tusaalen lama ilaawaana waxaa loo soo qaadan karaa  Abaartii ugu balaarayd ee Soomaaliya Soomartay dabayaaqadii 2011-bilowgii 2012 aduunyadu waxay isku dayeysay inay cawiyaan caruurta iyo hooyooyinka Soomaaliyeed, Dowladaha dariska ahna waxay hubimnayeen inaan qaadku kala istaagin.

Abwaan Soomaaliyeed  ahna fanaan oo lagu yaqaano inuu runta kudhiirado  haday dacar kaqaraartahay suugaantiisana marwalba ku dhiiranayey inuu kucabiro marxaladaha cul-culus ee wadanka Soomaray  sida heesihii kooxdii  Qaylo dhaan, waa  Al ustaad Xuseen shire ( Ciyaar Jecel ) ayaa wuxuu yiri asagoo kahadlaya  dhibaatada qaadka.

Dowladaha Dariskeena, Dalkooduu Kabaxa
Dadkooduna Macunaane , Diyaaraday kuraraanoo
Dalkeenay udiraan,Doolarkay kagurtaanoo
Daqligooday ku kabtaan,oo dalkooday kudhistaan
Da’a yarteenay kudilaanoo , daroogay kuduraan
Doqontaan garanayne , waa gumeysi dahsoone duli weeye ,daaya Qaadka.

Hadaba waa maxay Doorka uga aadan Madaxda Soomaaliyeed hadii Miisaaniyadii Sanadeedka dalka ay kabadan tahay inta 4 bilood qad loo qaato side wadanku kudhismayaa?side dhaqaalaha loo kobcinayaa ?sidee looga hortagi karaa cudurada badan ee qaadku keeno haba ugu horeeyaan Cudurada Maskaxda, beerka? Side looga hortagi karaa burburka qoyska Soomaaliyeed oo udub dhexaadkii Ummada ? Sidee loo heli karaa mustaqbalka in lahelo dhalinyaro xayi ah oo lamida kuwii hore intaan Qaadku kubaahin wadanka kuwaasoo leh himilo dheer iyo hami weyn ?

Su aashan jawaabteeda ayaa waxay ila tahay hadii ladoonayo in arimahaas wax laga qabto in lagu dhiirado  oo aan marna laga baqin ganacsatada dowladaha dariskaa ee qaadka keensata wadanka oo la oran karo ama lagu tilmaami karo inqay wadanka ku haystaan  Gumarysi Casri ah oo lagu koontoroolo maskaxda iyo maalka umadda Soomaaliyeed.

Gebagebadii Su’aasha isweydiinta leh, waxay tahay madaxda Soomaaliyeed maka dhoohan yihiin oo madhayilsanayaan, Mise waa ujeedaan dhiigbaxa dhalinyarada Soomaaliyeed ee waa kudhici waayeen inay ku dhiiradaan  dhibaatadaas,iyagoo dhowranaya danahooda gaarka ah ,haba ugu horeeyo kursiga ama jagada ay hayaan oo waxay ka  kabaqayaan dowladaha dariskeena ah oo aan raali ka ahayn  marna in dhibaatada Qaadka laga hadlo.

Abukar Awale ( Qaad DiiD )
Gudoomiyaha Ladagaalanka Qaadka.